Қоғамдық қауіпсіздік тек құқық қорғау органдарының міндеті емес. Көшедегі тәртіптен бастап, ауладағы тыныштыққа дейінгі мәселелердің шешілуі тұрғындардың белсенділігі мен жауапкершілігіне де тікелей байланысты. Осы тұрғыдан алғанда, полиция мен қоғам арасындағы өзара сенім — қауіпсіз ортаның маңызды негіздерінің бірі.
Құқықбұзушылықтың алдын алуда тұрғындардың дер кезінде ақпарат беруі, күдікті жағдайларға бейжай қарамауы және қоғамдық тәртіпті сақтауға үлес қосуы маңызды. Ал полиция қызметінің негізгі міндеті — азаматтардың өтініштеріне жедел ден қойып, олардың құқықтары мен заңды мүдделерін қорғау.
Қауіпсіздік мәдениеті адамдардың күнделікті әрекетінен қалыптасады. Ауладағы тәртіпті сақтау, қоғамдық орында мәдениетті болу, заң талаптарын орындау — қарапайым көрінгенімен, қоғамдағы тұрақтылыққа әсер ететін маңызды қадамдар.
Сондықтан қоғамдық қауіпсіздікті қамтамасыз етудің ең тиімді жолдарының бірі — «полиция және қоғам» қағидатын нығайту. Азаматтар мен құқық қорғау органдары бір мақсатта әрекет еткенде ғана қауіпсіз әрі жайлы орта қалыптасады.
Қауіпсіз қоғам — бір адамның емес, баршаның ортақ жауапкершілігі.
Тоғжан ЖОЛДЫҒАЛИ