Алатау қаласының Жаңаарна ықшам ауданында «Алкогольсіз ауыл» жобасы аясында тұрғындармен кездесу өтті.
Іс-шараның басты мақсаты – салауатты өмір салтын насихаттау, алкоголь өнімдерін тұтынудың алдын алу, қоғамдық тәртіпті нығайту және тұрғындардың құқықтық мәдениетін арттыру. Кездесу барысында зиянды әдеттердің қоғамға, отбасы тәрбиесіне және жастардың болашағына тигізетін кері әсері жан-жақты талқыланды. Сонымен қатар тұрғындарға салауатты өмір салтын ұстанудың маңыздылығы түсіндіріліп, қоғамдық қауіпсіздікті қамтамасыз ету бағытында атқарылып жатқан жұмыстар туралы ақпарат берілді. Жиын ашық пікір алмасу форматында өтті. Тұрғындар өздерін толғандырған мәселелерді көтеріп, ұсыныс-пікірлерін ортаға салды. Кездесу барысында көтерілген барлық сұрақтар назарға алынып, оларды кезең-кезеңімен шешу жолдары қарастырылатыны айтылды. «Алкогольсіз ауыл» жобасы – қоғамда жауапкершілік мәдениетін қалыптастыруға, тұрғындардың әл-ауқатын арттыруға және қауіпсіз орта құруға бағытталған маңызды бастамалардың бірі. Мұндай кездесулер тұрғындар мен мемлекеттік органдар арасындағы өзара байланысты нығайтып, қоғамдағы бірлік пен ынтымақтастықты арттыруға ықпал етеді. Алатау қаласында бұл бағыттағы жұмыстар алдағы уақытта да жүйелі түрде жалғасып, тұрғындардың белсенді қатысуымен жүзеге асырылатын болады. Салауатты өмір салтын дәріптеу – әрбір азаматтың және бүкіл қоғамның ортақ міндеті.
Алатау қаласының ішкі саясат бөлімі