Есірткі қылмысының алдын алуда жастармен жүргізілетін түсіндіру жұмыстарының маңызы зор. Жасөспірімдер кейде қауіпті заттардың салдарын толық түсінбей, өз ортасының ықпалына еріп кетуі мүмкін. Сондықтан балаға есірткінің зиянын қорқыту арқылы ғана емес, нақты мысалдармен түсіндірген дұрыс. Ата-ананың баласымен ашық сөйлесуі күмәнді жағдайларды ертерек байқауға мүмкіндік береді. Жастардың спортпен, өнермен және басқа да пайдалы істермен айналысуы бос уақытын тиімді өткізуге жағдай жасайды. Интернетте заңсыз жұмыс ұсынып, оңай ақша табуға шақыратын хабарландыруларға да назар аудару қажет. Мұндай ұсыныстардың артында есірткі таратуға байланысты қылмыстық әрекет болуы ықтимал. Күдікті ақпаратқа кезіккен жағдайда оны елемей өтпей, тиісті органдарға хабарлаған жөн. Есірткіге қарсы күресте алдын алу шаралары мен құқықтық түсіндіру жұмыстары қатар жүруі керек. Жастарды қауіпті ортадан қорғау – болашаққа жасалған маңызды қадам.
Сая ЕРБОЛАТҚЫЗЫ