Көлік қозғалысы – күнделікті өміріміздің ажырамас бөлігі. Бірақ жолдағы әрбір секундтың өз салмағы бар. Жылдамдықты шамадан тыс арттыру, бағдаршам талабын елемеу немесе телефонға алаңдау – жүргізушінің бір сәттік әрекеті ауыр салдарға әкелуі мүмкін.
Жол қауіпсіздігі тек жүргізушіге қатысты мәселе емес. Жаяу жүргінші де, велосипедші де, қоғамдық көлік жолаушысы да ортақ қозғалыстың қатысушысы.
Кейде жүргізушілер жол ережесін «алыс емес», «асығыс болып тұрмын» деген себеппен елемейді. Алайда жолда қауіпсіздікке кепілдік беретін ең басты нәрсе – дәл осы ережелерді сақтау.
Балалардың жолдан өту мәдениетін қалыптастыру, жүргізушілердің жауапкершілігін арттыру, жаяу жүргіншілердің белгіленген өткелдерді пайдалануы – жолдағы қауіптің алдын алудың қарапайым, бірақ маңызды қадамдары.
Жолдағы басты мақсат – бір жерге тез жету емес, аман жету.
Сондықтан рөлге отырған әр адам бір нәрсені есте ұстағаны жөн: жолдағы асығыстықтың бірнеше секунды біреудің өміріне әсер етуі мүмкін.
Тоғжан ЖОЛДЫҒАЛИ