Жолдағы бір ғана қателік адам өміріне қауіп төндіруі мүмкін. Сондықтан көлік жүргізушісі де, жаяу жүргінші де белгіленген ережелерді сақтауы керек. Көлік жылдамдығын жол жағдайына қарай таңдау маңызды. Жаяу жүргіншілер жолды арнайы белгіленген орындардан өткені дұрыс. Бағдаршамның тыйым салатын белгісіне қарамау ауыр зардаптарға әкелуі мүмкін. Жүргізуші рөлге отырған кезде телефонға алаңдамағаны жөн. Қауіпсіздік белдігін пайдалану жол-көлік оқиғасы кезінде жарақат алу қаупін азайтады. Балаларды тасымалдау кезінде олардың жасына сай арнайы құрылғыларды қолдану қажет. Жолда өз құқығын ғана емес, басқа қозғалыс қатысушыларының қауіпсіздігін де ескерген жөн. Жол ережесін сақтау – әр сапардың қауіпсіз аяқталуына жасалған қадам.
Сая ЕРБОЛАТҚЫЗЫ