Қауіпсіз қоғам құру үшін ең алдымен күнделікті тәртіпке мән берген жөн. Көшеде, аулада, қоғамдық көлікте немесе көпшілік жиналатын жерде қарапайым ережелерді сақтау түрлі келеңсіздіктің алдын алады. Қоғамдық тәртіпті бұзған жағдайға көз жұма қарау кейде мәселенің ушығуына себеп болуы мүмкін. Сондықтан күмәнді әрекет байқалған жағдайда тиісті қызметтерге дер кезінде хабарлау қажет. Құқық қорғау органдарының жұмысы тұрғындармен тығыз байланыста болған кезде нәтижелі бола түседі. Әсіресе балалар мен қарттар жиі жүретін аумақтардағы қауіпсіздікке ерекше назар аударған дұрыс. Көшелердің жарықтандырылуы, аулалардың абаттандырылуы және қоғамдық орындардың тәртібі де тұрғындардың жайлылығына әсер етеді. Қауіпсіздік тек төтенше жағдай болған кезде еске түсетін мәселе емес, ол күнделікті өмірдің бір бөлігі болуы керек. Әр адам өз әрекетіне жауапкершілікпен қараса, қоғамдық тәртіпті сақтау әлдеқайда жеңілдейді. Тыныштық пен тұрақтылықтың негізі – заңды құрметтейтін және айналасына бейжай қарамайтын қоғам.
Сая ЕРБОЛАТҚЫЗЫ