Қауіпсіз қоғам қалыптастыру тек құқық қорғау органдарының міндеті емес, оған әр азамат өз үлесін қосуы керек. Заң талаптарын сақтау, өзгенің құқығын құрметтеу және қоғамдық тәртіпті бұзбау – жауапты азаматтың негізгі ұстанымдары. Көшелерде, саябақтарда және қоғамдық орындарда тәртіпті сақтау тұрғындардың өздерін еркін әрі қауіпсіз сезінуіне мүмкіндік береді. Құқық бұзушылықтың алдын алу үшін халық пен мемлекеттік органдар арасындағы өзара байланыс маңызды. Азаматтар күмәнді жағдайларды байқаса, қауіпсіздік талаптарын сақтай отырып, тиісті қызметтерге хабарлауы қажет. Сонымен бірге балалар мен жасөспірімдерге құқықтық сауаттылықты ерте жастан үйреткен жөн. Бір-біріне құрметпен қарайтын және заңды бағалайтын ортада қоғамдық сенім нығаяды. Қауіпсіздікке бейжай қарамау – ортақ жауапкершіліктің белгісі.
Құралбек СӘБИТОВ