«Таза Қазақстан» бастамасы қоршаған ортаны қорғау мен елдімекендердің тазалығын сақтауға бағытталған маңызды қоғамдық қозғалысқа айналды. Таза әрі көрікті орта қалыптастыру ең алдымен әр азаматтың күнделікті мәдениетінен басталады. Өңірлерде сенбіліктер ұйымдастырылып, көшелер, аулалар мен қоғамдық орындар тазартылуда. Ағаштарды күтіп-баптау, абаттандыру және тұрмыстық қалдықтарды ретке келтіру жұмыстарына тұрғындар белсенді қатысуда. Мұндай шаралар табиғатты қорғаумен қатар, адамдардың туған жерге деген жауапкершілігін арттырады. Әсіресе жастардың экологиялық бастамаларға атсалысуы маңызды. Қоршаған ортаның тазалығы бір күндік акция емес, тұрақты әдетке айналуы қажет. Таза Қазақстан – таза орта мен мәдениетті қоғам қалыптастыруға бастайтын ортақ іс.
Ерзат АСЫЛ