Отбасындағы тыныштық пен өзара сыйластық – берік қоғамның негізі. Алайда тұрмыстық зорлық-зомбылық мәселесі әлі де өзектілігін жоғалтқан жоқ. Қорқыту, кемсіту, күш көрсету және психологиялық қысым жасау адамның құқығы мен қауіпсіздігіне нұқсан келтіреді.
Мұндай жағдайлардың алдын алу үшін зорлық-зомбылықтың белгілерін дер кезінде танып, көмекке жүгінудің маңызын түсіндіру қажет. Жәбірленушілерді қолдау, олардың құқықтарын қорғау және тиісті мамандардың көмегіне қол жеткізу – профилактикалық жұмыстың маңызды бөлігі.
Тұрмыстық зорлық-зомбылықты отбасылық мәселе деп елемей қоюға болмайды. Әр адам қауіпсіз өмір сүруге құқылы. Қоғамның міндеті – жәбірленушіні кінәлау емес, оған қолдау көрсетіп, құқық бұзушылықтың қайталануына жол бермеу.
Ерзат АСЫЛ