Табиғатқа жанашырлық таныту ең алдымен әр адамның жеке жауапкершілігінен басталады. Балаларға қоқысты кез келген жерге тастамауды, суды үнемдеуді және ағаштарды қорғауды ерте жастан үйрету қажет. Осы бағытта «Таза Қазақстан» бастамасы қоғамда экологиялық сананы қалыптастыруға ықпал етіп келеді. Отбасында қалыптасқан жақсы әдеттер баланың қоршаған ортаға деген көзқарасын айқындайды. Табиғатты қорғауды өмірлік ұстанымға айналдырған ұрпақ қана таза әрі қауіпсіз болашақ қалыптастыра алады.
Айжарық КӨПТІЛЕУОВ