Грек-рим күресінен Қазақстан командасының өкілі Демеу Жадыраев Париж Олимпиадасының финалына шықты, деп хабарлайды Olympic.kz.
77 келі салмақта сынға түскен Демеу жартылай финалда әзербайжандық Санан Сүлеймановтан басым түсті. Айта кетелік, ширек финалда Демеу Жадыраев екі дүркін әлем чемпионы, Токио Олимпиадасының күміс жүлдегері Ақжол Махмұдовты жеңген болатын.
7 тамыз күні сағат 22.30-да Қонаев қаласының орталық саябағында грек-рим күресінен 77 келі салмақ бойынша финалдық белдесу тікелей трансляцияланады. Финалда ел құрамасы сапына Алматы облысынан қосылған Демеу Жадыраев Жапония үміткері Нао Кусакамен белдеседі.
