Алматы облыстық мәслихат депутаттарының қолдауымен жыл сайын көпбалалы және аз қамтылған отбасылардың балаларын жаңа оқу жылына дайындау мақсатында акциялар ұйымдастырылып келеді.
Халық қалаулылары балалардың білім алуына қолайлы жағдай жасауға белсене атсалысуда. Партиялардың бастамасымен өтіп жатқан “Баланы мектепке даярлайық” және “Білімге қадам” атты акциялар аясында оқушыларға кеңсе тауарлары мен мектеп формалары салынған сөмкелер табысталып, балалар жаңа оқу жылына қажетті заттармен қамтамасыз етілді.
Атап айтқанда, облыс депутаттары 800-ден астам балаға шамамен 23 миллион теңгеге қолдау көрсетті.
Балалардың ата-аналары бұл игі іс үшін облыс белсенділеріне шынайы алғыстарын білдіруде. Акция әрі қарай жалғасуда.
