Бұл туралы Энергетика министрлі Премьер-министр Роман Склярдың төрағалығымен жанармай нарығындағы ахуал бойынша кеңестен соң хабарлады.
Жиында жалпы ел бойынша қазіргі таңда 308,56 мың тонна дизель отыны бар екені, бұл биыл 1 қаңтардағы қордан 59 мың тоннаға артық екені айтылды.vМинистрлік әйтсе де, кейбір өңірлерде жекелеген жанармай станцияларында дизель отыны шектеп сатылып жатқанын, осыған байланысты ішкі нарықты жанармаймен қамтамасыз ету шараларын қолға алуға тапсырма берілгенін хабарлады. Атап айтқанда, Өңірлік штабтарға жанармай тапшылығын қолдан тудырмау мақсатында өңірлік мұнай базаларын тексеру, заң бұзу фактілері болған жағдайда тиісті мемлекеттік органдарға нарық субъектілерінің бәсекелестікке қарсы немесе нарықтағы жағдайды тиімді әрекеттері бойынша тергеу жүргізу тапсырылды.
Айта кетсек, өңірлік штабтар құрамына жергілікті атқарушы органдар, бәсекелестікті қорғау және дамыту, мемлекеттік кірістер, экономикалық тергеу және табиғи монополияларды реттеу департаменттері кіреді.
Бұған дейін Энергетика министрлігі елімізде 12 сәуірден бастап АИ-92 және АИ-93 маркалы бензин 11 пайызға, мен дизель отыны 20 пайызға қымбаттайтынын хабарлаған. Ресми түсінік бойынша бұған ел аумағынан транзитпен өтетін көліктердің жанармайға деген сұранысының артуы және көрші елдермен салыстырғанда Қазақстанда жанармай бағасының арзан болуы себеп болып отыр.
Ал 5 сәуірде Премьер-министр Әлихан Смайылов елде егіс науқаны аяқталғанға дейін ауылшаруашылығы өнімдерін өндірушілерге дизель бағасы қымбаттамайтынын хабарлаған.
Айта кетейік, облыста барлығы 197 жанармай құю стансасы бар.
