Алматы облысында көктемгі әскерге шақыру науқаны басталды. Өңірде 1746 жас мерзімді әскери қызметке шақырылатындардың қатарына жатады. Бұл туралы Өңірлік коммуникациялар қызметі алаңында өткен баспасөз-мәслихатында белгілі болды.
18 бен 27 жас аралығындағы жігіттер отан алдындағы борыштарын өтеуі тиіс. Әскерге шақыру хабарламалары 1414 бірыңғай байланыс орталығының сервисі арқылы, сондай-ақ үй және жұмыс мекенжайларына жіберілетін дербес шақыру қағаздарын жіберу негізінде жүзеге асырылады.
«890 әскерге шақырылушы Қорғаныс министрлігінің әскери бөлімдерінде, қалған 856–сы Ұлттық ұланның, Мемлекеттік күзет қызметінің және ҰҚК Шекара қызметінің әскери бөлімдерінде қызмет өткеретін болады», – дейді Алматы облысы Қорғаныс істері департаменті бастығының орынбасары, шақыру басқармасының бастығы, полковник Дулат Акишев.
Жалпы, азаматтарды әскерге шақыру науқаны жылына екі рет өтеді. Ол наурыз-маусым және қыркүйек-желтоқсан айларында жүзеге асады.
Қонаев қаласы қорғаныс істері басқармасының шақыру бөлімінің бастығы, капитан Джамила Бухарбаева әскерге шақыру ашық түрде жүргізілетінін атап өтті.
Оның айтуынша, шақыру комиссиясының жұмысына жұртшылық қатыса алады.
