«Ауыл» партиясының 25 жылдығына орай Талғар ауданында орналасқан «Фазенда у Михалыча» кешенінде «Ауыл әйелдері: шаңырақ киесі – кәсіп иесі» атты форум өтті. Шараны «Ауыл» партиясының жанынан құрылған «Мейірім құшағы» әйелдер, балалар және отбасы істері жөніндегі филиал комиссиясы ұйымдастырды. Мақсаты – ауыл әйелдерінің қоғамдағы рөлін арттыру, олардың кәсіпкерлік бастамаларын қолдау және тәжірибе алмасуға жағдай жасау.
Өңірдің белсенді әйелдері, кәсіпкерлер, қоғам қайраткерлері мен мемлекеттік орган өкілдері қатысқан форум аясында шеберлік сыныптар, панельдік пікірталастар ұйымдастырылды.
Шараға қатысушылар ауылдағы әйелдердің әлеуетін көтеру жолдары жайлы сөз қозғады. Кәсіпті дамыту жайын тілге тиек етті.
Сонымен қатар ауыл әйелдерінің кәсібилігін арттыру, оларды мемлекеттік қолдау бағдарламаларына тарту мәселесі көтерілді. Әйелдер мен балалардың құқықтарын қорғау, отбасылық құндылықтарды нығайту бағытында «Ауыл» партиясының жанынан құрылған «Мейірім құшағы» филиал комиссиясының жұмысы таныстырылды. Іскер әйелдер өздерінің жетістіктерімен бөлісті.
Айжарық КӨПТІЛЕУОВ
