Алматы облысы әкімінің өкімімен Ғани Айдарұлы Майлыбаев облыс әкімінің орынбасары болып тағайындалды.
Ғани Айдарұлы 1987 жылы туған. Білімі – жоғары, 2008 жылы Абай атындағы Қазақ ұлттық педагогикалық университетінде «қаржы» мамандығы бойынша бакалавр, 2010 жылы «құқық және экономика негіздері» мамандығы бойынша магистр дәрежелерін алған. 2018 жылы Ресей Федерациясы Президенті жанындағы Ресей халық шаруашылығы және Мемлекеттік қызмет академиясын «аймақтық және муниципалды басқару» мамандығы бойынша бітірген.
Еңбек жолын 2008 жылы «Нұр Отан» партиясы Алматы қаласы Бостандық аудандық филиалының есеп және статистика секторының меңгерушісі болып бастаған. Әр жылдары «Нұр Отан» партиясы Алматы қаласы Алатау аудандық филиалының заңгер-консультанты, Медеу аудандық филиалы төрағасының бірінші орынбасары, Алматы қаласы Медеу, Наурызбай аудандары әкімінің орынбасары, Жамбыл облысы туризм басқармасының басшысы лауазымдарын атқарған.
2020 жылдың желтоқсан айынан бастап Алматы қалалық мәдениет басқармасының басшысы лауазымында қызмет етті.
