Құқықтық тәртіп пен қоғамдық қауіпсіздік – кез келген мемлекеттің тұрақты дамуының басты негізі. Заңға құрметпен қарау, құқық бұзушылыққа төзбеу – өркениетті қоғамның айқын көрсеткіші. Осы тұрғыда Алатау қаласында құқық бұзушылықтың алдын алу, қоғамдық тәртіпті нығайту бағытында жүйелі әрі мақсатты жұмыстар жүргізілуде.
Алатау қаласының ішкі саясат бөлімі қала аумағында заңдылықты сақтау, азаматтардың құқықтық мәдениетін арттыру және құқық бұзушылықтың алдын алу мәселелеріне ерекше назар аударады. Бұл бағыттағы жұмыстар құқық қорғау органдарымен, білім беру мекемелерімен, қоғамдық ұйымдармен және қала тұрғындарымен тығыз ынтымақтастықта жүзеге асырылуда.
Құқық бұзушылықтың алдын алу – басты міндет
Құқық бұзушылықтың алдын алу тек құқық қорғау органдарының ғана емес, бүкіл қоғамның ортақ міндеті. Әсіресе, жасөспірімдер мен жастар арасында құқықтық түсіндіру жұмыстарын жүргізу – өзекті мәселе. Осыған байланысты қалада құқықтық сауаттылықты арттыруға бағытталған кездесулер, ашық диалог алаңдары, профилактикалық іс-шаралар тұрақты түрде өткізіліп келеді.
Мектептерге заң талаптарын түсіндіру, құқықтық жауапкершілік туралы ақпарат беру, зиянды әдеттердің салдары жөнінде кең көлемде түсіндіру жұмыстары ұйымдастырылуда. Бұл – болашақ ұрпақтың саналы, жауапты азамат болып қалыптасуына жасалған маңызды қадам.
Қоғамдық келісім мен заң үстемдігі
Заң талаптарын сақтау – әрбір азаматтың азаматтық борышы. Ұсақ құқық бұзушылықтың өзі қоғамда бейберекетсіздікке алып келуі мүмкін. Сондықтан тәртіп пен заңдылықты сақтау – бейбіт өмірдің кепілі.
Алатау қаласында қоғамдық тәртіпті нығайту мақсатында тұрғындармен кері байланыс орнату, түсіндіру-ақпараттық жұмыстарды күшейту, құқық бұзушылыққа бейжай қарамау мәдениетін қалыптастыру басты назарда. Қала тұрғындары тарапынан белсенді азаматтық ұстаным танытып, заңсыз әрекеттерге жол бермеу – ортақ қауіпсіздіктің негізі.
Ортақ мақсат – қауіпсіз қала
Алатау қаласының ішкі саясат бөлімі алдағы уақытта да құқық бұзушылықтың алдын алу бағытындағы жұмыстарды жүйелі түрде жалғастыра отырып, қоғамдық тұрақтылықты, азаматтардың қауіпсіздігі мен тыныштығын қамтамасыз етуге күш салады.
Құқықтық мәдениеті жоғары, заңға бағынатын қоғам – жарқын болашақтың кепілі. Тәртіп бар жерде – сенім бар, ал сенім бар жерде – даму бар.
Заңды сақтау – әр азаматтың абыройлы міндеті!
Алатау қаласының ішкі саясат бөлімі