Конституциялық реформа жөніндегі комиссияның алғашқы отырысының өтуі – ел дамуының жаңа белесіне қадам басқанын көрсетеді. Қоғам өзгерген сайын Конституция да заман талабына сай жетілдірілуі қажет. Осы тұрғыдан алғанда, 2026 жылғы конституциялық реформа – уақыт сұранысынан туған маңызды бастама деп есептеймін. Бұл реформа азаматтардың мемлекет басқару ісіне қатысуын күшейтіп, билік институттарының жауапкершілігін арттыруға бағытталады деп ойлаймын.
Ең бастысы, әр адамның құқығы мен еркіндігі нақты тетіктер арқылы қорғалып, заңның әділдігі іс жүзінде сезілуі тиіс. Комиссия жұмысы ашық әрі жария түрде жүргізілсе, қоғам тарапынан сенім де арта түседі. Мұны комиссияның кезекті отырысынан көріп отырмыз. Осындай жүйелі өзгерістер Қазақстанның құқықтық мемлекет ретінде нығаюына және тұрақты дамуына берік негіз қалайды деп сенемін.
Бағдат ӘЛИЕВ,
Жамбыл аудандық қоғамдық кеңесінің төрағасы
