Кейінгі күндері Конституциялық реформалар жөніндегі комиссия белсенді жұмыс істеуде. Комиссия мүшелері күн құрғатпай бас қосып, елдік мәселені талқылап жатыр. Бір апта болар-болмас уақытта бірнеше отырысын өткізіп үлгерді. Комиссияның кезекті отырысында жаңа Ата Заңның жобасы қаралыпты. Міне, енді бүгін жаңа Ата Заңның жобасы да жарияланғанын естіп отырмыз. Мелекеттің басты құжаты жаңартылайын деп жатыр екен. Демек бұл аса маңызды, еліміздің болашағын айқындайтын мәселе. Он ойланып, жүз толғанып барып қабылданатын маңызды шешімдер болашаққа қызмет етуі тиіс. Өйткені бізден кейінгі ұрпақ та жаңарған Ата Заңның игілігін ұзағынан көруі керек.
Сондықтан Қазақстанның мемлекеттік ұйымдастырылуын айқындайтын, егемендігі мен дербестігін нығайтатын ережелер өте сауатты жазылуы қажет деп есептеймін. Мемлекеттік биліктің бірден-бір бастауы және егемендіктің иесі – халық екенін конституциялық деңгейде бекіткен өте орынды. Егемендік пен Тәуелсіздік, аумақтық тұтастық, мемлекет құраушы ұлттың ерекшелігі – ешқашан өзгермейтін құндылықтар. Қысқасын айтқанда, жаңа Конституция қой үстіне бозторғай жұмыртқалайтын заман құруға айнымас негіз болуға тиіс.
Раушан САТЫБАЛДИЕВА,
«Сұлтанхан» балабақшасының басшысы,
Жамбыл ауданы
