Конституция жобасының жариялануы – құқықтық құжаттың техникалық жаңаруы ғана емес, елдің құқықтық және саяси даму философиясын қайта пайымдау мүмкіндігі. Құқықтық жүйені қоғамдық қатынастардың өзгермелі динамикасына бейімдеу – мемлекеттің тұрақты дамуының негізгі шарттарының бірі.
Конституция жобасы құқықтық реттеудің жүйелілігі мен тұтастығын қамтамасыз етуге бағытталған кешенді құжат ретінде ұсынылуда. Құжатта мемлекеттің құқықтық негізін айқындайтын іргелі қағидаттар сақталған, сонымен қатар құқықтық нормалардың айқындылығы мен оларды практикалық тұрғыда қолдану мүмкіндігіне ерекше басымдық берілген. Бұл құқық қолдану тәжірибесінің сапасын арттыруға ықпал етеді.
Жоба азаматтардың құқықтары мен бостандықтарын жүзеге асыру кепілдіктерін нақтылауға, мемлекеттік институттардың қызметін жүйелеуге және олардың жауапкершілік шеңберін айқындауға бағытталған. Мұндай тәсіл мемлекеттік басқарудың ашықтығын қамтамасыз етіп, құқықтық тұрақтылықты нығайтады.
Жаңа Конституция жобасы құқықтық мемлекеттің институционалдық негіздерін күшейтуге және елдің құқықтық дамуын қамтамасыз етуге бағытталған стратегиялық маңызы бар құжат ретінде бағаланады.
Наталья ТИФАНЦИДИ, «Элефтерия» Алматы облысының гректер қоғамы» ҚБ төрағасы
