Қазақстан Республикасының жаңа Конституциясы жобасы көпшілік назарына ұсынылды. Жобаның азаматтардан, саяси партиялардан, қоғамдық ұйымдар мен сарапшылардан түскен ұсыныстар негізінде, ашық әрі ұзақ қоғамдық талқылау арқылы әзірленуі – билік пен қоғам арасындағы сенімді нығайтады.
Жаңа Конституцияда адам құқықтары мен бостандықтарын басты құндылық ретінде алға шығаруы, мемлекеттің адамға бағдарланған сипаты, әділеттілік, заң мен тәртіп, кінәсіздік презумпциясы, «Миранда қағидасының» енгізілуі сынды өзгерістер қарапайым азаматтың құқығын қорғауға нақты кепіл болмақ. Жаңа жобада әйелдер мен балалардың құқығын қорғау мәселесіне де айрықша мән берілген. Жалпы, адам құқықтары мен бостандықтары – мемлекеттің басты құндылығы деген ұстаным құжаттың бүкіл мазмұнында көрініс тапқан. Сонымен бірге, білім мен ғылымға, мәдениет пен инновацияға басымдық берілуі, елдің болашағы табиғи ресурстарға емес, адами капиталға негізделетінін көрсетеді.
Елдің ертеңіне нақты қадам жасау үшін кешегі тарихтың мол маңызға ие екені де Ата Заңның жаңа жобасында айқын көрініс тауыпты.
Құралай МҰРАТҚЫЗЫ
«Алматы облысының «Тіл» оқу-әдістемелік орталығы» КММ Еңбекшіқазақ аудандық филиалының меңгерушісі
