Қазақстанда әлеуметтік тұрақтылық пен қоғамдық келісімге бағытталған маңызды кезең басталды. Бұл өзгерістердің басты кепілі – жаңа Конституция. Ол тек заңдық құжат қана емес, әрбір азаматқа өз құқықтары мен мүмкіндіктерін қорғау үшін берілген нақты құрал. Ең бастысы, құжатта адам мен оның құқықтары басты орынға қойылған. Бірлік пен татулық, өзара сыйластық – бүгінгі қоғамымыздың тірегі. Мемлекет пен қоғам арасындағы байланыс тек декларациялармен емес, нақты құқықтық кепілдіктермен нығайуы тиіс. Жаңа Конституция осы талапты нақты жүзеге асырады. Әрбір азамат тең құқықтар мен тең мүмкіндіктерге ие, әлеуметтік әділеттілік басты қағидатқа айналады.
Мен үшін маңыздысы – әлеуметтік әділеттіліктің бекітілуі. Әр азаматтың әлеуетін толық іске асыруға мүмкіндік беретін норма қоғамдағы сенім мен тұрақтылықты арттыруға ықпал етеді. Тең мүмкіндіктер және әл-ауқатты арттыруға бағытталған шаралар қоғамдағы бөлінушілікті азайтып, адамдар арасында өзара түсіністік пен ынтымақтастықты қалыптастырады. Бұл – Қазақстанның дамуы үшін стратегиялық маңызды қадам. Сонымен қатар жаңа Конституция мемлекеттік институттардың ашықтығы мен есептілігін күшейтеді. Бұл – билік пен халық арасындағы сенімді нығайтуға бағытталған маңызды қадам. Құжатта бекітілген қағидаттар қоғам мен мемлекеттің арасындағы диалогты дамытуға мүмкіндік береді. Бұл өз кезегінде әлеуметтік тұрақтылықтың берік негізін қалайды. Біз, әрбір азамат, осы құжатқа сүйеніп, қоғамымыздағы келісімді нығайта аламыз, бейбіт өмірімізді сақтап, еліміздің тұрақты дамуына үлес қосамыз.
Жаңа Конституция – бұл біз үшін тек заңдық құжат емес, сонымен бірге бір-бірімізге деген сенімнің, өзара сыйластықтың және ортақ мақсатқа ұмтылыстың нақты көрінісі. Ол біздің қоғамдық келісіміміздің кепілі және елдің тұрақты дамуына бағытталған стратегиялық қадам.
Абубекир ЧИКАЕВ,
«Ахыска» түрік ұлттық орталығы» қоғамдық бірлестігінің Алматы облыстық филиалының төрағасы
