Конституция жобасы еліміздің даму басымдықтарын қайта қарауға бағытталған маңызды құқықтық бастама болып табылады. Құжаттың негізгі мақсаты – азаматтардың құқықтары мен бостандықтарын қорғауды күшейту және қоғамдық сенімді арттыру.
Адам құқықтарына ерекше назар аударылуы Конституция жобасының басты артықшылықтарының бірі саналады. Құқықтар мен міндеттердің нақты айқындалуы қоғамдағы құқықтық тәртіптің нығаюына ықпал етеді.Сонымен қатар жоба қоғамдық келісім мен ынтымақтастықты сақтауға бағытталған. Ұлтаралық және дінаралық татулық мемлекет дамуының негізгі тірегі ретінде көрсетілген.
Құжатта азаматтардың саяси және қоғамдық шешімдер қабылдауға қатысу мүмкіндіктерін кеңейту көзделген. Бұл демократиялық процестердің тиімді жүзеге асуына жағдай жасайды. Жалпы алғанда, жаңа Конституция жобасы әділетті қоғам қалыптастыруға және мемлекеттік басқару жүйесінің тиімділігін арттыруға бағытталған.
Рашидам УШУРОВА,
«Қазақстандық ұйғырлардың республикалық этномәдени орталығы» ҚБ Іле ауданы филиалының төрағасы
