Жаңа Конституция жобасы Қазақстанның құқықтық және институционалдық дамуын жетілдіруге бағытталған стратегиялық құжат ретінде ұсынылып отыр. Онда азаматтардың құқықтары мен бостандықтары негізгі басымдық ретінде белгіленген.Құжат қоғамдағы әлеуметтік әділеттілікті қамтамасыз етуге ерекше көңіл бөледі.
Әлеуметтік осал топтардың, жастар мен кәсіпкерлердің құқықтарын қорғау мемлекет жауапкершілігінің маңызды бөлігі ретінде айқындалған. Сонымен қатар Конституция жобасы қоғамдық келісім мен тұрақтылықты нығайтуға бағытталған. Бірлік пен өзара құрмет қағидаттары елдің ұзақ мерзімді дамуының негізі ретінде қарастырылады.
Азаматтардың жергілікті деңгейде шешім қабылдауға қатысу мүмкіндіктерінің артуы басқару жүйесінің ашықтығын күшейтіп, қоғамның белсенділігін арттырады. Осы тұрғыдан алғанда, жаңа Конституция жобасы заманауи талаптарға жауап беретін, әділетті және тиімді құқықтық негіз қалыптастыруды көздейді.
Илимдар КАМИЛОВ,
Қарасай ауданының “Ахыска” түрік этномәдени орталығы” ҚБ филиалының төрағасы
