«Көктем – 2026» шақырылымы сарбаздарының ҰҚК Шекара қызметі Алматы облысы бойынша департаментінің оқу базаларындағы өмірлері басталып кетті. Жаңа ортаға қалыптасу, саппен жүрудің әдіс-тәсілдерін үйрену… Бұл – мамыр айына жоспарланған Ант қабылдау рәсіміне дейін жалғасатын болады.
Бүгінде республикамыздың түкпір-түкпірінен әскер қатарына алынған жас жігіттерді Қарасай тауданы бойынша шекара басқармасының техникалық және кәсіби-даярлық бөлімінің кіші командирлері – көп жылдық тәжірибелері бар сержанттар құрамы әскери өмірдің темірдей қатал тәртібіне үйретуге кірісті. Әрі қарай, оларды ел шебінің күн мен түнге жалғасқан ауыр қызметі күтіп тұр. Сіздердің назарларыңызға ұсынған суреттер топтамасы – жас сарбаздардың шекаралық шеберліктерін шыңдау сәттерін бейнелейді.
Тамара Дәулетбаева
ҰҚК ШҚ Алматы облысы бойынша департаментінің баспасөз хатшысы
