Алматы облысы бойынша «Жол активтері ұлттық сапа орталығы» республикалық мекемесінің филиалы 2023 жылы Береке ауылында жүргізілген жол-құрылыс жұмыстарының сапасын тексерді. Жолды тексеру барысында бірқатар заңбұзушылық анықталған. Мәселен, Мәметов көшесіндегі төсем негізінің қалыңдығы жобадағы деректерге сәйкес келмейді. №20 үйге қарама-қарсы сол жақтағы төсеме үймесінің биіктігі – 10 см (жоба бойынша – 15 см); Сонымен қатар, 2160 шақырым аумақта көзге көрінетін зақымданулар байқалады, жарықшақтар, жиектастардың белгілі бір жерлері бүлініп қалған. Одан бөлек жүргіншілер жолына төселген асфальттың да қалыңдағы тиісті нормаға жетпей қалған. Тіпті, тротуардың кейбір жерінде негізгі төсемнің астына тиісті қабаттың төселмегені анықталды.
ЖАҰСО Алматы облыстық филиалының мамандары анықтаған кемшіліктерді жою мақсатында жауапты басқармаға арнайы хат жолдады.
