Қоғамдық қауіпсіздік үлкен көшелерден емес, әрбір ауланың тыныштығынан басталады. Көпқабатты тұрғын үйлер мен жеке секторларда тұрғындардың өзара ынтымақтастығы қоғамдық тәртіптің сақталуына оң әсер етеді. Бір-біріне жанашырлық танытып, ортақ мүлікке ұқыпты қарау қауіпсіз ортаны қалыптастырудың маңызды бөлігі. Ауладағы жарықтандырудың жеткілікті болуы, балалар ойын алаңдарының қауіпсіздігі және бөтен адамдардың күмәнді әрекеттеріне бейжай қарамау құқық бұзушылықтың алдын алуға ықпал етеді. Тұрғындардың бірлесіп әрекет етуі көптеген келеңсіздіктің алдын алады. Құқық қорғау органдары тұрғындармен кездесулер өткізіп, қоғамдық қауіпсіздік мәселелері бойынша түсіндіру жұмыстарын тұрақты жүргізеді. Мұндай кездесулер барысында азаматтардың ұсыныстары тыңдалып, өзекті мәселелерді шешу жолдары қарастырылады. Қауіпсіз аула – балалардың еркін ойнап, үлкендердің алаңсыз демалуына мүмкіндік беретін орта. Сондықтан әр тұрғын өз ауласының тазалығы мен тәртібіне жауапкершілікпен қарауы тиіс. Қоғамдағы тыныштық әр адамның күнделікті ісінен басталады. Өз ауласына жанашырлық танытқан тұрғындар көбейген сайын қауіпсіз әрі жайлы қоғам қалыптасады.
Құралбек СӘБИТОВ