Адамның жылдар бойы жинаған мүлкі мен еңбегінің нәтижесін қорғау — құқықтық қоғамның негізгі қағидаларының бірі. Мүліктік қылмыстар азаматтарға материалдық шығын келтіріп қана қоймай, олардың қауіпсіздік сезіміне де әсер етеді.
Үйге ұрлыққа түсу, көлікке қатысты заңсыз әрекеттер, бөтен мүлікті иемдену сияқты құқықбұзушылықтардың алдын алу үшін азаматтардың өздері де сақтық шараларын күшейткені жөн.
Мысалы, тұрғын үйді ұзақ уақыт қараусыз қалдырғанда қауіпсіздік жүйелерін пайдалану, құнды заттарды көзге түспейтін жерде сақтау, көлік пен мүлікке қатысты қауіпсіздік талаптарын ескеру қарапайым профилактикалық шаралардың қатарына жатады.
Сонымен бірге күмәнді жағдайларға немқұрайлы қарамау да маңызды. Көршілер арасындағы өзара байланыс пен тұрғындардың қырағылығы кейбір құқықбұзушылықтардың алдын алуға мүмкіндік береді.
Меншікке құрмет — заңға құрметтен басталады. Ал өз мүлкіңе жауапкершілікпен қарау — оны қорғаудың алғашқы қадамы.
Тоғжан ЖОЛДЫҒАЛИ