Отбасындағы кез келген мәселені дер кезінде шешу оның күрделеніп кетуіне жол бермейді. Күнделікті тұрмыстық келіспеушіліктерге немқұрайлы қарау кейін ауыр жанжалға ұласуы мүмкін. Отбасы мүшелерінің бір-бірін тыңдауы, пікірін сыйлауы және ашық сөйлесуі көптеген түсініспеушіліктің алдын алады. Қиын жағдайды жалғыз шешу мүмкін болмаған кезде мамандардың көмегіне жүгінуге болады.
Тұрмыстық зорлық-зомбылыққа кез келген жағдайда жол берілмеуі тиіс. Әсіресе балалардың жанжалдың куәсі болмауына ерекше назар аудару қажет.
Отбасыдағы қауіпсіздік – оның әр мүшесіне ортақ жауапкершілік. Үйдегі өзара сыйластық қоғамдағы бейбіт қарым-қатынастың негізін қалыптастырады.
Құралбек СӘБИТОВ