Үй, көлік, дүние-мүлік – адамның жылдар бойы жинаған еңбегінің нәтижесі. Алайда кейде мүліктің қауіпсіздігіне бір сәттік салғырттықтың өзі қауіп төндіруі мүмкін.
Ашық қалған есік, қараусыз тұрған көлік, құжаттар мен бағалы заттарды көзге көрінетін жерде қалдыру – ұсақ нәрсе болып көрінгенімен, ұрлық пен басқа да құқық бұзушылықтарға жол ашуы ықтимал.
Мүлікті қорғау тек бейнебақылау орнатумен немесе есікке құлып салумен шектелмейді. Қауіпсіздік дағдысы күнделікті әдетке айналуы керек.
Мамандардың айтуынша, азаматтың сақтық шараларын сақтауы көптеген құқық бұзушылықтың алдын алуға мүмкіндік береді. Әсіресе ұзақ уақытқа үйден кететін кезде есік-терезені тексеру, көлікті қараусыз әрі қауіпсіз емес жерде қалдырмау, жеке мүлікке қатысты ақпаратты бөтен адамдарға жарияламау маңызды.
Қауіпсіздікке кеткен бірнеше минут кейде жылдар бойы жинаған дүниені қорғап қалуы мүмкін.
Сондықтан мүлікті қорғаудың ең қарапайым жолы – қауіптің алдын ала ойлану.
Тоғжан ЖОЛДЫҒАЛИ