Бала тәрбиесіндегі ең маңызды құндылықтардың бірі – сенім. Ата-ана мен бала арасында ашық әңгіме болса, көптеген қауіптің алдын алуға болады. Есірткінің таралу қаупі жағдайында отбасындағы түсіністік пен бақылаудың маңызы арта түседі.
Ата-ана баласының кіммен араласатынына, бос уақытын қалай өткізетініне және интернетте қандай ақпарат тұтынатынына назар аударғаны жөн. Бұл шектен тыс бақылау емес, қамқорлықтың белгісі болуы тиіс. Қазақстанның есірткіге қарсы саясаты профилактикаға, жастар арасында түсіндіру жұмыстарын күшейтуге және салауатты өмір салтын насихаттауға бағытталған.
Қонаев қаласында да есірткіге қарсы иммунитетті мектеп, отбасы және қоғам бірлесе қалыптастыруы қажет. Балаға уақыт бөлу, оның пікірін тыңдау және қиын сәтте қолдау көрсету – кез келген профилактикалық шарадан кем емес маңызды жұмыс.
Алтынай СЕЙІТКЕН