Қауіпсіз қоғам құру бір ғана бағыттағы жұмыспен жүзеге аспайды. Оның негізінде қоғамдық тәртіп, қылмыстың алдын алу, мүлікті қорғау, цифрлық қауіпсіздік, есірткі қылмысына қарсы күрес, жолдағы тәртіп және алкогольдің алдын алу сияқты өзара байланысты бағыттар жатыр.
Олардың әрқайсысы адамның күнделікті өмірімен тікелей байланысты.
Қоғамдық қауіпсіздік – тұрғындардың құқық қорғау органдарымен серіктестігін талап етеді. Қылмыстың, оның ішінде тұрмыстық зорлық-зомбылықтың алдын алу – қауіпсіз отбасы мен тыныш қоғамның негізі.
Мүлікті қорғау үшін азаматтың өзі де сақтық танытуы керек. Ал интернеттегі алаяқтықтан қорғану үшін қаржылық және цифрлық сауаттылық қажет.
Есірткі қылмысына қарсы күресте жастармен профилактикалық жұмыстың маңызы ерекше. Жол қауіпсіздігінде жүргізуші мен жаяу жүргіншінің жауапкершілігі қатар жүреді. Ал алкогольді шамадан тыс тұтынудың алдын алу қоғамдық тәртіп пен отбасылық ахуалға да әсер етеді.
Бұл бағыттардың барлығы бір ғана мақсатқа тоғысады – адам өмірі мен құқықтарын қорғау.
Қауіпсіз қоғам дайын күйінде қалыптаспайды. Оны күн сайын мемлекеттік органдар мен азаматтар бірге қалыптастырады.
Сондықтан қауіпсіздікке немқұрайлы қарамау – әр адамның қоғам алдындағы жауапкершілігі.
Ерзат АСЫЛ