Алаяқтардың басты қаруы – технология емес, адамның эмоциясы. Олар қорқыныш, қызығушылық, ашкөздік немесе асығыстық сияқты сезімдерді пайдаланып, құрбысын өзіне қажетті әрекетті жасауға итермелейді.
«Шотыңыз бұғатталды», «туысыңыз қиын жағдайға тап болды», «сізге несие рәсімделіп жатыр» деген хабарламалар адамның ойлануына мүмкіндік бермей, дереу әрекет етуге мәжбүрлейді. Осындай сәтте ең дұрыс шешім – тоқтау.
Қылмыскерлер әңгімені ұзартуға, басқа адамдармен ақылдасуға немесе ақпаратты тексеруге мүмкіндік бермеуге тырысады. Себебі жәбірленуші бір сәт ойланып, жағдайды тексерсе, алдаудың мәні ашылып қалуы мүмкін.
Сондықтан қаржылық қауіпсіздіктің қарапайым қағидасын есте ұстаған жөн: белгісіз қоңырау – шұғыл шешім қабылдауға себеп емес.
Алаяқтың жоспарын бұзудың ең қарапайым жолы – асықпау, ақпаратты тексеру және күмәнді жағдайда әңгімені тоқтату.
Кейде ақшаны жоғалтпау үшін күрделі технология емес, бар болғаны бірнеше минуттық сабыр жеткілікті.
Серік САТЫБАЛДИЕВ