Жолдағы қауіпсіздік жүргізуші мен жаяу жүргіншінің бірдей жауапкершілігіне байланысты. Көлік жүргізушісі жылдамдықты сақтап, жол жағдайына қарай әрекет етуі қажет. Рөлде отырып телефонға қарау жүргізушінің назарын бірнеше секундқа болса да бөледі. Ал мұндай сәттің өзі жол апатына себеп болуы мүмкін. Жаяу жүргіншілер жолды арнайы өткелдерден өтіп, бағдаршам белгілеріне бағынуы тиіс. Балалардың жол бойындағы қауіпсіздігіне ересектер ерекше көңіл бөлгені жөн. Қауіпсіздік белдігін пайдалану да ескерусіз қалмауы керек. Қолайсыз ауа райында жүргізушілер жылдамдықты азайтып, арақашықтықты сақтағаны дұрыс. Жол ережесін білу жеткіліксіз, оны күнделікті орындау қажет. Жолдағы ұқыптылық бір адамның емес, барлық қозғалыс қатысушыларының қауіпсіздігін қамтамасыз етеді.
Сая ЕРБОЛАТҚЫЗЫ