Жолда әр секунд маңызды. Бірақ жүргізушінің асығуы мен жаяу жүргіншінің абайсыздығы кейде бірнеше секундтың емес, бірнеше адамның тағдырына әсер етеді.
Жол қауіпсіздігіне қауіп төндіретін негізгі факторлардың қатарында жылдамдықты арттыру, қарсы жолаққа шығу, көлік жүргізу кезінде телефон пайдалану және мас күйінде рөлге отыру бар. Полицияның биылғы профилактикалық іс-шараларында да осы бұзушылықтарға ерекше назар аударылуда.
Жолдағы тәртіп тек жүргізушінің міндеті емес. Жаяу жүргінші де белгіленбеген жерден жолға шықпауға, бағдаршам талаптарын сақтауға тиіс.
Ал ата-аналар балаларға жол ережесін күнделікті түсіндіруі қажет. Өйткені баланың жолдағы бір ғана қателігі ауыр салдарға әкелуі мүмкін.
Көлік жүргізу мәдениеті айыппұлдан қорқумен ғана қалыптаспайды. Ол адамның өз өміріне және өзгенің өміріне деген құрметінен туындайды.
Жолда ең жылдам жеткен адам емес, қауіпсіз жеткен адам ұтады.
Тоғжан ЖОЛДЫҒАЛИ