Бейнебақылау камерасы қылмыстың алдын алуға және құқықбұзушылықты анықтауға көмектеседі. Бірақ қауіпсіз ортаны тек техника қалыптастырмайды.
Ауданның қауіпсіздігі тұрғындардың белсенділігіне де байланысты. Қоғамдық орындардағы тәртіп, аулалардың жарықтандырылуы, балалардың қауіпсіздігі, жол қозғалысы, мүлікті қорғау – мұның бәрі ортақ назарды қажет етеді.
Қазақстанда құқық бұзушылық профилактикасына азаматтар мен жергілікті қоғамдастықтарды кеңірек тарту көзделген. Бұл қауіпсіздік мәселесін тек мемлекеттік органдардың міндеті ретінде қарамай, қоғамның ортақ ісіне айналдыруға бағытталған.
Мысалы, тұрғындар өз ауласындағы проблеманы жақсы біледі. Қай жерде жарық жоқ, қай жерде жол қауіпті, қай жерде балалар үшін қауіп бар – мұндай ақпарат профилактикалық жұмыстың тиімділігін арттыра алады.
Қауіпсіз аудан дегеніміз – камерасы көп аудан ғана емес. Ол жерде тұрғындар өзара құрметпен қарап, құқық бұзушылыққа бейжай қарамайды.
Қоғам үнсіз қалмаған кезде қауіптің алдын алу әлдеқайда жеңіл.
Тоғжан ЖОЛДЫҒАЛИ