Балқаш ауданының Көктал ауылында Мемлекет басшысының «Таза Қазақстан» жалпыұлттық экологиялық бағдарламасы аясында кезекті сенбілік жұмыстары ұйымдастырылды. Сенбілік барысында ауыл тұрғындары мен мекеме-ұйым қызметкерлері Ә. Ахметов және Сарбас көшелерінің аумағында тазалық жұмыстарын жүргізіп, өскен шөптерді шапты.
«Тазалық – ортақ жауапкершілік. Ауылымыздың көркеюі мен қоршаған ортаның таза болуы әрқайсысымыздың үлесімізден басталады», – деген көкталдықтар айналаны ретке келтіріп, табиғатты аялауды өздерінің борышына балайды.
Алтынай ТАЛҒАТҚЫЗЫ
Балқаш ауданы