Ауылдың ажары оның таза көшелерімен, күтіп-бапталған аулаларымен және жасыл желектерімен ерекшеленеді. Елдімекендерді көркейтуге бағытталған «Таза Қазақстан» бастамасы тұрғындарды ортақ іске жұмылдырады. Тазалық шараларына ауыл ақсақалдары, жастар, еріктілер мен еңбек ұжымдары белсенді қатысса, нәтижесі де жемісті болады. Көшелерді қоқыстан тазарту, арықтарды ретке келтіру және ағаш көшеттерін отырғызу елді мекеннің санитарлық жағдайын жақсартады. Дегенмен тазалықты тек сенбілік кезінде ғана сақтау жеткіліксіз. Әр тұрғын күнделікті өмірде тазалық талаптарын орындап, өзгелерге үлгі көрсетуі керек. Қоғамдық орындарға ұқыптылықпен қарау тұрғындардың өз өлкесіне деген сүйіспеншілігін танытады. Таза әрі жайлы ауыл қалыптастыру – билік пен тұрғындардың бірлескен еңбегінің нәтижесі.
Айжарық КӨПТІЛЕУОВ