Жастардың болашағы олардың денсаулығына, ортасына және дұрыс таңдау жасай білуіне байланысты. Есірткіге қатысты қауіптер кейде қызығушылықтан, құрдастарының қысымынан немесе мәселені жеңіл шешуге деген ұмтылыстан туындауы мүмкін. Сондықтан жасөспірімдерге тыйым салумен ғана шектелмей, оның себептері мен салдарын түсіндіру қажет.
Ата-аналар баласының кіммен араласатынына назар аударып, оның мәселелерін тыңдауға уақыт бөлгені дұрыс. Мұғалімдер мен мамандар да жастармен ашық диалог орнатып, қажет кезде кәсіби көмекке жүгіну жолдарын түсіндіруі керек.
Есірткіге қарсы мәдениет қалыптастыру – ұзақ мерзімді жұмыс. Жастар өз болашағын бағалап, қауіпті ұсыныстардан бас тартуды үйренгенде ғана мұндай құқық бұзушылықтардың алдын алуға мүмкіндік артады.
Тоғжан ЖОЛДЫҒАЛИ