Қазіргі таңда елімізде “Таза Қазақстан” эконауқаны өтіп жатыр. Науқанға Қонаевтағы 12,12А,12В, Арна шағын аудандарының халқы белсенді қатысып, көшелерді қоқыстан тазартты.
Солардың қатарында 6 жасар балақай Нұрәли Сұңқарұлы да болды. Тырмамен қураған шөпті тазалаған бала жұртты сүйсінтті. Айтуынша, ол сенбілікке достарымен бірге келген.
Журналистің не істеп жүрсің деген сұрағына балақай “қоқыс жинап жүрмін” – деп жауап беріп, тазалыққа келгенін түсіндірді.
Жалпы бүгінгі акцияға 200 адам қатысып, 70 қап қоқыс шығарды. Аталған науқан 5 аптаға жалғаспақ.
