Қазақстан Бас прокуратурасы Алматы қалалық прокуратурасының тексеруі нәтижесінде газ газ таратушы «APL Construction» ЖШС-ның бекітілген тарифті бұзғаны және орамішілік газбен жабдықтау желілеріне қосылуда монополия орнатқаны анықталғанын хабарлады.
Прокуратураның қадағалау актісі бойынша 1 мың текше метр газдың тарифі 6 362,77 теңгеден 5 999,08 теңгеге, яғни 5,7 пайызға арзандады. Бұған қоса 184 миллион теңгеге өтемдік тариф енгізіліп, монополист фирмаға әкімшілік құқық бұзғаны үшін 78 миллион теңге айыппұл салынды.
Құзырлы органның мәліметінше, монополист компанияның заң бұзу әрекетінен Еңбекшіқазақ және Панфилов аудандарының 11 мың тұтынушысы, оның ішінде 300-ден астам кәсіпкер зардап шеккен.
Бұған дейін Алматы облысының прокуратурасы облыстың бірнеше елді мекенінде тұрғындардың шағымынан соң тексеру жүргізіп, газ бағасын арзандатқанын хабарлаған.
