Бұл Жолдаудағы басты айтылған мәселе, еліміз жаңа экономикалық саясатқа көшетіндігі болды. Қазақстан Еуразия құрлығындағы алып аграрлы мемлекет болуы тиіс деген міндет қойылды. Осы тұрғыда маған ең ұнағаны – Су шаруашылығы және ирригация министрлігінің құрылатындығы. Өйткені, су – бүкіл тіршіліктің негізі.
Ауыл шаруашылығын, мал шаруашылығын дамытып, еліміздің азық-түлік қауіпсіздігін қамтамасыз ету үшін біз бірінші кезекте суды үнемді және тиімді пайдалануымыз керек. Баршаға белгілі, қазіргі кезде Қазақстанда су тапшылығы анық сезіле бастады. Келешекте үлкен түйткілге айналуы да мүмкін.
Сондықтан, трансшекаралық өзендер арқылы көрші елдерден келетін және өзімізде бар су қорын тиімді пайдалану тұрғысында осындай бір арнайы үкіметтік мекеме керек еді. Президент оның құрылатындығын және қандай нақты істермен айналысатынын қадап айтты. Бұл – дер кезінде және дұрыс қабылданған шешім деп ойлаймын.
Ахат СОЛТАНҚҰЛОВ,
Талғар аудандық ақсақалдар алқасының төрағасы
