Бала қауіпсіздік ережелерін тек мектептен емес, күнделікті өмірдегі тәжірибеден де үйренеді. Сондықтан ата-ана баласына бейтаныс адамдармен қарым-қатынас жасау, қоғамдық орындарда өзін ұстау және қауіпті жағдайда көмек сұрау жолдарын түсіндіруі керек.
Балаларға өзіне жайсыздық тудыратын әрекеттер туралы үлкендерге айтуға болатынын жеткізу маңызды. Оларды қорқытып емес, сенім қалыптастыру арқылы тәрбиелеген жөн. Бала ата-анасына еркін сөйлеп, мәселені жасырмай жеткізе алса, көптеген қауіптің алдын алуға болады.
Қауіпсіздік туралы әңгіме бір рет өткізілетін сабақпен шектелмеуі тиіс. Үнемі түсіндіру, өмірлік мысалдар келтіру және баланың сұрақтарына ашық жауап беру оның өз құқығын білуіне көмектеседі.
ЕРЗАТ АСЫЛ