Қарағанды облысының Костенко шахтасында қаза тапғандар саны 45-ке жетті деп хабарлады Төтенше жағдайлар министрлігінің баспасөз қызметі.
29 қазан күні сағат 20.00-дегі жағдай бойынша 45 адамның денесі табылды, 1 кенші іздестіріліп жатыр. Іздеу жұмыстары бір-бірінен шамамен 6 км қашықтықта орналасқан екі өндіру учаскесі ауданында жүргізілуде.
Кеншілер болуы мүмкін деген учаскелерге тау-кен құтқарушылары өте алуы үшін барлық мүмкәіндіктер қарастырылып жатыр.
Апат болған орынды тексеру үшін төтенше жағдайлар министрі Сырым Шәріпханов шахтаға түсті.
Тексеру барысында өрт пен жарылыстың әсерінен шахта жабдығының бұзылғаны және жылжығаны, желдету құрылыстарының зақымданғаны анықталды.
Сонымен қатар, Сырым Шәріпханов апатты тергеу жөніндегі үкіметтік комиссия мүшелерімен отырыс өткізді. Төтенше жағдайлар министрлігі іздеу жұмыстарын жеке бақылауға алды.
Айта кетейік, 28 қазан сағат 02:33-те Қарағанды облысындағы Костенко атындағы шахтада апат болды. Төтенше жағдай кезінде шахтада барлығы 205 кенші болған, оның 205-і жер бетіне шығарылды.
29 қазан Қазақстан Республикасында Жалпыұлттық аза тұту күні болып жарияланды.
