Қазақстанда қарқынды дамып келе жатқан фармацевтика саласында өндірілетін дәрі-дәрмек және медициналық өнімдердің төрттен бірі Алматы облысына тиесілі. Бұл туралы облыс әкімі Марат Сұлтанғазиевтің Астанада өткізген баспасөз мәслихатында айтылды.
Облыстағы 7 зауытта соңғы 5 жылда өндіріс көлемі 1,3 есеге артып, 33 млрд. теңгені құрады. Осындай жұмыстардың нәтижесінде 10 айда өнеркәсіп өндірісі 7,7% пайызға өсті (РК – 4,7%). Салада 34 жоба іске асырылып, 1087 жұмыс орны ашылды.
Халықтың ауылды жерлерде тұрып, еңбек етуіне қолайлы жағдай жасау ішкі көші-қонды тұрақтандыруға септігін тигізеді. Сондықтан негізгі күш ауыл шаруашылығын дамытуға салынып отыр.
Бұл салада Алматы облысы 9,6% үлеспен республикада 3-орынға ие.
Өңіріміз өрік, алма, алмұрт, жүгері, жүзім, картоп, көкөністер, соя және күріш өсіруден алғашқы үштікке кіреді.
