Алматыда 24 қаңтарға қараған түні бірнеше афтершок болды. Түнгі сағат екіден бері сейсмикалық стансалар желісі алты жер сілкінісін тіркеді деп хабарлайды ҚазАқпарат.
Соңғы дүмпу таңғы сағат 08:39 кезінде болды.
Тербеліс ошағы Алматы қаласынан оңтүстік-шығысқа қарай 212 шақырым жерде, Қырғызстан аумағында тіркелді.
Зілзаланың энергетикалық санаты — 10.3. MPV магнитудасы — 4.4. Тереңдігі — 10 шақырым. Алматыда сезілген жоқ.
Афтершок он-он бес минутта, сағат 08:54 шамасында тағы қайталанды. Дүмпудің ошағы Алматы қаласынан оңтүстік-шығысқа қарай 268 шақырым жерде, Қытай аумағында. Зілзаланың энергетикалық санаты — 11.4. MPV магнитудасы — 5.1. Тереңдігі — 5 шақырым. Алматыда сезілген жоқ.
Жалпы соңғы төрт жер сілкінісін де қазақстандықтар сезбеді.
Мұның алдында таңғы 05:50 және 07:35 кезінде екі зілзала болған еді.