Алматы облысының сауда орталығында терроризмге қарсы жаттығулар өткізіледі.
Сәуір айында облыстық Терроризммен күрес жөніндегі жедел штабтың күштері мен құралдары терроризм көріністеріне шұғыл реакция таныту іс-қимылдарын пысықтау бойынша оқу-жаттығу іс-шараларын өткізу жоспарлануда.
Оқу-жаттығу шеңберінде сауда орталығының айналасында шектеу шаралары көзделген.
Осыған байланысты азаматтарды өткізілетін оқу-жаттығу бағдарламаларына түсіністікпен қарауға, іс-шаралар кезінде қауіпсіздік шараларын сақтауға, арнаулы, құқық қорғау және мемлекеттік органдардың жұмылдырылған қызметшілерінің заңды талаптарын орындауға, тек ресми ақпарат көздеріне сенуге және халық арасында жалған ақпарат таратуға жол бермеуге шақырамыз.