Штаб жұмысына 300-ден астам ерікті қатысты. Алматы облысынан Батыс Қазақстан облысына жалпы көлемі 130 тонна гуманитарлық көмек жөнелтілді. Оның 100 тоннасы темір жол арқылы, 30 тоннасы «Алтын орда» сауда базарының ұйымдастыруымен жүк көліктерімен жеткізілді. Алматы облысы су басқан өңірлерге ең үлкен гуманитарлық көмек көрсеткен аймақтардың қатарында.
Сондай-ақ, облыс кәсіпкерлерінің қолдауымен арнайы қорға 30 млн теңге қаржылай көмек аударылды.
Бүгін су тасқыны болған аймақтарға көмек көрсету мақсатында облыстан 15 ерікті аттанады.
Гуманитарлық көмекті жинауға облысымыздың 9 ауданы мен 1 қаласындағы кәсіпкерлер, этномәдени бірлестіктердің өкілдері, «Amanat» партиясының мүшелері, Қазақстан мұсылмандары діни басқармасының облыстық филиалы мен қайырымды жандар өз үлестерін қосты.
Штаб жұмысын ұйымдастыруға кәсіпкерлік, жұмылдыру дайындығы, ішкі саясат басқармалары, баспасөз қызметі, Қонаев қаласының әкімдігі ерекше қолдау көрсетті.
Алматы облысы әкімінің баспасөз қызметі
