Алатау қалалық мәдениет үйінің ұйымдастыруымен қазақтың ақиық ақыны Мұқағали Мақатаевтың 95 жылдық мерейтойына арналған шығармашылық кеш жоғары деңгейде өтті. Рухани кештің мақсаты – ұлы ақынның шығармашылығын насихаттап, өнерпаздардың талантын көпшілікке таныту болды.
Аталған шараға әр сала өкілдері қатысып, өз өнерлерін ортаға салды. Байқау барысында қатысушылардың шеберлігі, сахна мәдениеті мен орындаушылық деңгейі әділқазылар алқасы тарапынан жан-жақты бағаланды.
Нәтижесінде, өнерін жоғары деңгейде көрсетіп, көрерменнің ыстық ықыласына бөленген 6654 әскери бөлімінің оркестрінің аға музыканты, ефрейтор Андиров Бағдат Абильханұлы биік жетістікке жетіп, І орынға ие болды.
Бұл жеңіс – әскери оркестр ұжымының еңбегі мен кәсіби шеберлігінің айқын дәлелі. Бағдат Абильханұлының өнері кешке ерекше көрік беріп, Мұқағали жырларының рухын терең сезіндіре білді.
Осындай мәдени шаралар ұлттық өнерді дәріптеп, жас ұрпаққа рухани тәрбие беруде үлкен рөл атқарады.
