Іле ауданында 1 мамыр — Қазақстан халқының бірлігі күніне орай «Первомайские пруды» демалыс аймағында экологиялық сенбілік өтті.
Мерекелік датаға орай мұнда жағалау аумағын тазалау мен абаттандыруға бағытталған «Таза Қазақстан» акциясы ұйымдастырылды.
Іс-шараға 50-ден астам адам қатысты. Сенбілік барысында жағалау сызығы тазартылып, тұрмыстық қалдықтар жиналды, демалыс аймағының аумағы ретке келтірілді.
Ұйымдастырушылардың айтуынша, акцияның мақсаты — қоғамдық кеңістіктің санитарлық жағдайын жақсартумен қатар, бірлескен еңбек арқылы бірлік рухын нығайту және тұрғындар арасында экологиялық мәдениетті қалыптастыру.
Бұл бастама «Таза Қазақстан» республикалық бағдарламасы аясында жүзеге асырылып, алдағы уақытта ауданның басқа да қоғамдық аумақтарын қамти отырып, тұрақты түрде жалғасын табады.
